Teks Pranatacara Bahasa Jawa

TEKS PRANATACARA

Assalamualaikum Wr. Wb

Alhamdulilah. Wasyukurilah. Wa’ala alihi wasabbihi wamawwalah. Wala khaula walaquata illabillah.

Dhumateng ngarsanipun Bapak Lurah Desa....... ingkang kinurmatan, sagung para tamu kakung dalasan putri ingkang tansah winantu ing bagya mulya.

Langkung rumiyin sumangga kula dherekaken ngunjukaken puji syukur dhateng Gusti Allah SWT. Ingkang sampun kepareng rahmat, taufik, lah hidayah dhateng kula panjenengan sedaya sahingga ing wekdal dinten punika kula panjenengan saged makempal kanthi winantu ing karaharjan.

Salajengipun keparenga kula lumarap atur wonten ngarsa panjenengan sadaya awit kula ingkang piniji minangka pranatacara ingkang badhe ndherekaken lampahing adicara punika.

Awit berkahing Gusti ingkang Maha Agung kasembuh donga pamuji panjenengan sedaya dinten punika pembangunan gedung serbaguna  desa.........sampun pari purna. Awit saking keparengipun Bapak Lurah Desa ....... ingkang sinengkuyung dening sedaya para warga masyarakat dinten punika gedung serbaguna Desa ........... dipun resmekaken.

Wondene adicara ing peresmian gedung, keparenga badhe kula waosaken:

1.      Sepisan: Salam pambuka

      2. Angka kalih : 1) Tanggap wacana ketua panitia

                                 2) Tanggap sabda Bapak Lurah Desa.........

      3. Kalejengaken acara simbolis “potong pita” ingkang dipun sarirani dening Bapak lurah.

      4. Adicara kaping sekawan inggih punika pasugatan hiburan saha andramina.  

      5. Wondene adicara angka gangsal inggih punika panutup.

Mekaten para rawuh urutaning adicara ingkang badhe lumampah ing dalu punika. Sarehne samudayanipun sampun satata saha sumekta pramila keparenga adicara kula awiti.

Minangka pambuka laksitaning adicara, sumangga kita purwakani kanthi sareng-sareng ndedonga kanthi nenuwun lan nyenyuwun dhumateng ngarsanipun Gusti Allah SWT. Kanthi maos lafal Basmalah.

Adicara ingkang angka kalih inggih punika tanggap wacana dening ketua panitia pembangunan gudung serba guna Desa ..........., Bapak .......... Katur dhumateng Bapak .........., kula sumanggaaken.

==================================================================

 Tanggap sabda dening Bapak Lurah Desa ........, Bapak ......... . Kalajengaken acara simbolis “potong pita” ingkang dipun sarirani dening Bapak Lurah. Katur dhumateng Bapak......, kula sumanggaaken.

Adicara kaping sekawan inggih punika pasugatan hiburan saha andramina.

==================================================================

 Para lenggah ingkang kinurmatan ndungkap adicara ingkang pungkasan inggih punika panutup. Mbok bilih sak dangunipun kula dherekaken lampahing adicara punika jejering pranata kathah atur ingkang kirang nuju prana menapa dene tindak-tanduk kula ingkang kirang mranani, saestu kanthi andhap asoring manah kula nyuwun lumunturing sih samodra pangaksami, nyuwun agunging pangapunten. Sumangga adicara punika kita pungkasi kanthi maos lafal Hamdalah.

Wassalamualaikum Wr.Wb.